प्रस्तुत लेखात म्युच्युअल फंड संपूर्ण माहिती (Mutual Fund Information In Marathi) देण्यात आलेली आहे. स्वतःचे पैसे योग्य पद्धतीने म्युचुअल फंडात गुंतवून आपण आपली कमाई वाढवू शकतो. त्याचे फायदे, तोटे आणि धोका काय असू शकतो त्याबद्दल सगळी माहिती या लेखात आहे.
Table of Contents
म्युचुअल फंड म्हणजे काय? What Is Mutual Fund?
आपण स्वतःहून जर गुंतवणूक केली तर त्यामध्ये काहीवेळा नुकसान होऊ शकते. हीच समस्या ओळखून mutual Funds निर्माण झाले. अनुभवी गुंतवणूक करणारे व्यवस्थापक निर्माण झाले जे गुंतवणूकदारांचे पैसे वेगवेगळ्या शेअर्स आणि बॉण्डमध्ये गुंतवतात. अशा गुंतवणुकीमुळे नुकसान होण्याच्या संधी फार कमी असतात आणि जास्तीत जास्त नफा होतो.
म्युचुअल फंड सुरुवातीला गुंतवलेल्या पैशांवर एन्ट्री लोड म्हणून वसुली करतात. राहिलेली रक्कम गुंतवली जाते आणि ग्राहकांना फंड युनिट दिले जातात.
फंड व्यवस्थापक ती रक्कम विविध शेअर्समध्ये गुंतवतो. शेअर्समध्ये गुंतवणुकीची किंमत वाढली की फंड युनिटची पण किंमत वाढते. एखाद्या शेअर्सची किंमत कमी झाली तरी गुंतवणूकदाराला एकदम नुकसान सोसावे लागत नाही.
म्युचुअल फंडचा इतिहास | History Of Mutual Funds
भारत सरकार आणि भारतीय रिझर्व बॅंक यांनी एकत्रितपणे १९६३ साली “युनिट ट्रस्ट ऑफ इंडिया” या भारतातील पहिल्या म्युचुअल फंडाची स्थापना केली.
१९८७ मध्ये भारतीय आयुर्विमा महामंडळ तसेच इतर बॅंकांनी म्युच्युअल फंडात प्रवेश केला.
१९९३ साली म्युच्युअल फंडांसाठीचे अधिकृत नियम बनवण्यात आले.
खाजगी म्युचुअल फंडांना मान्यता देऊन नोंदणीकृत करण्यात आले.
२२ ऑगस्ट १९९५ साली ॲंम्फी (The Association of Mutual Funds in India) या म्युचुअल फंड संस्थेची स्थापना करण्यात आली.
शेअर्स आणि म्युचुअल फंडमधील फरक –
Difference Between Shares and Mutual Funds
शेअर्समधील गुंतवणूक म्हणजे आपल्याला एखाद्या कंपनीचे शेअर्स खरेदी करावे लागतात.
आणि म्युचुअल फंड गुंतवणुकीत आपल्याला गुंतवणुकीचे युनिट मिळतात. आपण गुंतवलेले पैसे हे वेगवेगळ्या शेअर्समधील हिस्सा असतो.
म्युचुअल फंडचे प्रकार?
म्युचुअल फंडाचे मुख्यत्वे संरचना आणि गुंतवणूक असे दोन प्रकार पडतात.
• संरचना –
संरचनेनुसार खुला (Open Ended), मर्यादित (Close Ended) आणि विनिमित (Exchange Traded) असे वर्गीकरण केले जाते.
• गुंतवणूक –
गुंतवणुकीनुसार म्युचुअल फंडाचे इक्विटी फंड (Equity Fund), डेट फंड (Debt Fund), हायब्रिड फंड (Hybrid Fund), कमोडिटी फंड (Commodity Fund) असे वर्गीकरण केले जाते.
(गुंतवणूक आणि त्याचा परतावा हा वेगवेगळ्या प्रकारे असू शकतो, त्या पद्धतीत म्युचुअल फंडाचे प्रकार पडतात. त्यामुळे म्युचुअल फंडाचे आणखी काही उपप्रकार आहेत.)
म्युचुअल फंड निगडित बाबी –
NAV (नेट एसेट वैल्यू) म्हणजे काय?
म्युचुअल फंडची किंमत म्हणजे नेट एसेट वैल्यू. ती किंमत प्रति युनिटमध्ये असते. म्युचुअल फंड त्याच्या वर्तमान नेट एसेट वैल्यू वर खरेदी केला जातो किंवा विकला जातो.
SIP (Systematic Investment Plan) म्हणजे काय?
SIP म्हणजे सिस्टीमैटिक इन्वेस्टमेंट प्लान. प्रत्येक महिन्याला ठराविक रक्कम जास्त कालावधीसाठी म्युचुअल फंडात गुंतवली जाते. अशा गुंतवणुकीला SIP म्हणतात.
म्युचुअल फंड फायदे – Mutual Fund Advantages
म्युचुअल फंडातील भांडवल वेगवेगळ्या ठिकाणी आणि वेगवेगळ्या प्रकारे गुंतवले गेल्यामुळे नुकसानीची जोखीम कमी असते.
रक्कम काढताना गुंतवणूकदाराला त्या दिवशीच्या युनिटच्या दरानुसार रक्कम मिळते.
सामान्य गुंतवणूकदार कधीकधी नुकसान सहन करतो परंतु म्युचुअल फंड व्यवस्थापक हे अनुभवी गुंतवणूकदार असल्याने नुकसानीची शक्यता कमी असते.
म्युचुअल फंड संस्थांना सेवा, सुविधा आणि पारदर्शकता जपावीच लागते. गुंतवणूकदारांचा विश्वास वाढणे हे अशा संस्थांपुढील मुख्य उद्दिष्ट असते.
म्युचुअल फंड तोटे – Mutual Funds Disadvantages
म्युचुअल फंड सुरुवातीला गुंतवलेल्या रकमेपैकी काही रक्कम वसुली (फी) म्हणून कापून घेते. त्यामुळे गुंतवणूकदाराला मिळणारा नफा हा उरलेल्या रकमेवर असतो.
फंडातील रक्कम कोठे गुंतवली जावी यावर गुंतवणूकदाराचे नियंत्रण नसते.
म्युचुअल फंड नफा हा युनिटचा बाजारभाव जसा असेल तसा मिळत असतो त्यामुळे काहीवेळा तोटाही सहन करावा लागू शकतो.
तुम्हाला म्युच्युअल फंड संपूर्ण माहिती (Mutual Fund Information In Marathi) हा लेख आवडला असल्यास नक्की कमेंट करून कळवा…