किवी हे फळ आता सर्वांना माहीत झाले आहे. आजारपणात सफरचंद आणि किवी फळ आवर्जून खावे असे सांगितले जाते. या लेखामध्ये किवी फळाची माहिती (Kiwi fruit Information in marathi), किवी फळाचे आरोग्यदायी फायदे ( Kiwi Fruit Benefits ) सांगण्यात आलेले आहेत. सर्व संशोधनानंतर किवी हे फळ खूपच पौष्टिक आणि ऊर्जादायी असल्याचे सिद्ध झाले आहे. चला तर मग पाहुयात किवी या फळाची माहिती आणि फायदे!
किवी फळ माहिती – (Kiwi Fruit Information)
किवी हे चॉकलेटी रंगाचे आंबट-गोड फळ आहे. हे फळ मूळचे चीन देशाचे राष्ट्रीय फळ आहे. या फळाच्या झाडाला चायनीज गूजबेरी (Chinese Gooseberry) असेही म्हटले जाते.
शीत आणि उष्ण (समशीतोष्ण) प्रदेशात किवी फळाचे झाड चांगले येऊ शकते. चीन व न्यूझीलंड देशामध्ये याचे उत्पादन होते. तसेच भारतात आता हिमाचल प्रदेश, उत्तर प्रदेश, मेघालय, सिक्कीम, व जम्मू काश्मीर या राज्यांत किवीचे उत्पादन घेतले जाते.
किवीचे झाड म्हणजे एक प्रकारचा वेल असतो. तो वेल कोणत्याही आधाराद्वारे वाढवला जातो. ऑक्टोबर ते डिसेंबर या काळात किवी फळाचा बहर सर्वात जास्त असतो. कच्चे असताना किवी फळ तोडले जाते आणि त्याची योग्य प्रकारे साठवण केली जाते.
किवी फळातील तत्त्वे – (kiwi fruit Ingredients)
किवी फळात भरपूर प्रमाणात व्हिटॅमिन सी, के आणि ई असते. तसेच फॉलीक एसिड, लोह आणि पोटॅशियम भरपूर प्रमाणात असते.
किवी फळ फायदे – Kiwi Fruit Benefits
१. किवी फळ रोगप्रतिकारक शक्ती वाढवते ज्यामुळे आपल्याला कोणत्याही रोगाशी मुकाबला करता येतो. आपले शरीर आतून सुदृढ आणि मजबूत बनत जाते.
२. शरीरातील विषारी घटक बाहेर काढण्याचे काम किवी फळ करते.
३. कॅलरीजचे प्रमाण कमी असल्याने शरीर हलके बनत जाते.
४. डेंग्यू आणि कॅन्सरसारख्या आजारांत किवी फळ सेवन करण्याचा सल्ला डॉक्टर अवश्य देतात.
५. इतर फळांच्या तुलनेत मिनरल व फायबरचे प्रमाण जास्त असल्याने शरीराचा फिटनेस दिवसभर टिकून राहू शकतो.
६. शरीरातील उष्णता बाहेर काढण्याचे काम किवी फळ करते.
७. या फळाचे रोज सेवन केल्याने त्वचा तजेलदार होते आणि सुरकुत्या पण निघून जातात.
८. डायबिटीज रुग्णांसाठी किवी फळ म्हणजे वरदानच आहे. किवी फळ रक्तातील ग्लुकोजचं प्रमाण कमी करते.
९. पोटॅशियमचे प्रमाण केळी आणि किवीमध्ये सारखेच असते. परंतु कॅलरीजचे प्रमाण कमी असल्याने हृदयासाठी किवी फळ चांगले असते. रक्तदाब नियंत्रित ठेवला जातो.
१०. संत्र्याच्या तुलनेत दुप्पट प्रमाणात व्हिटॅमिन सी किवीमध्ये आढळते.
११. किवी फळाच्या सेवनामुळे श्वसनाचे विकार दूर होण्यास मदत होते.
आज संपूर्ण जगभरात सुखसुविधा आल्याने आजारांचे आणि उपचारांचे प्रमाण वाढत आहे. त्यामध्ये आरोग्यदायी आहाराचे महत्त्व वाढत चालले आहे. फळे आणि भाज्या यांचे सेवन पचनाला चांगले असते तसेच सर्व पोषक घटक आपल्याला त्यांच्यातून मिळत असल्याने त्याचे काहीच नुकसान मानवी शरीराला होत नाही.
किवी देखील एक असेच फळ आहे ज्यामुळे आपल्याला फायदे आहेतच आणि ते बाजारातही सहज उपलब्ध आहे. महाग असले तरी किवी फळ आपण आठवड्यातून एकदा – दोनदा नक्कीच खाऊ शकतो. किवी फळ माहिती (kiwi fruit Information in Marathi) आणि किवी फळाचे फायदे (kiwi fruit benefits) तुम्हाला व्यवस्थित समजले असतील तर नक्की कमेंट करा.. धन्यवाद!
सूचना –
वरील सर्व लेख हा फक्त माहितीनुसार लिहलेला आहे. कोणत्याही आजारावर उपचार म्हणून किवी फळाचे सेवन करायचे असेल तर डॉक्टरांचा सल्ला नक्की घ्या.