The post इंग्रजी बोलायला कसे शिकाल? appeared first on Daily Marathi News.

गणेश चतुर्थी – मराठी माहिती • Ganesh Chaturthi Information in Marathi •

• गणेश चतुर्थी हा भारतीय हिंदू संस्कृतीतील महत्वपूर्ण उत्सव आहे. विनायक, एकदंत, गणपती, गणेश, विघ्नहर्ता, गणराया – अशा विविध नावांनी परिचित असलेल्या गणपतीची पूजा या उत्सवात केली जाते.

• पूजास्थळी गणपतीच्या प्रतिमेची प्रतिष्ठापना केली जाते. श्री गणेशाच्या पायांत जास्वंद पुष्प, कुंकू, सुपारी, दुर्वा आणि निवेदनासाठी मोदक ठेवतात. त्यानंतर मंत्रे, स्तोत्रे, आरती आणि विधिमान पूजा केली जाते.

• श्री गणेश चतुर्थी हा उत्सव भाद्रपद महिन्यात शुक्ल पक्ष चतुर्थीला साजरा केला जातो. ते एक धार्मिक व्रत सुद्धा आहे.

• गणपतीच्या अवतारांपैकी गणेश याचा जन्म भाद्रपद शुक्ल चतुर्थीला झाला असे मानले जाते. या उत्सवाला हिंदू धर्मात विशेष महत्त्व आहे. असे मानले जाते की, गणेशाची मनोभावे पूजा केल्याने घरात सुख, समृद्धी आणि शांती प्रस्थापित होते.

• गणपती देवाला मोदक खूप आवडतात. त्यामुळे गणेश चतुर्थीच्या दिवशी गणेशाला मोदकांचा नैवेद्य अर्पण केला जातो. पूजनाचे ताट त्यासमोर मांडले जाते. जास्वंदीचे फुल आणि दुर्वा यादेखील मूर्तीसमोर वाहिल्या जातात.

• “गणपती बाप्पा… मोरया” असा गणपतीचा नामघोष करत आरतीला सुरुवात होत असते. प्रत्येक कुटुंबाच्या मान्यतेनुसार आणि गरजेनुसार गणपतीच्या मूर्तीचे पूजन केले जात असते.

• गणपती हा सर्व गणांचा अधिपती आहे असे म्हटले जाते. त्याच्या स्वरूपाचे रूपांतर होत गेलेले आहे आणि पुराणकाळात तिला गणपती हे रूप प्राप्त झाले असे मानले जाते. गणपती शेजारी आपण उंदीर बसलेला पाहतो. त्याचे कारण म्हणजे गणपतीचे वाहन हे उंदीर आहे.

• भारतीय लोक कौटुंबिक स्तरावर गणेशाची पूजा करतच असतात परंतु सामाजिक स्तरावर एकत्र येण्यासाठी सार्वजनिक गणेशोत्सव देखील साजरा केला जातो. भाद्रपद शुक्ल चतुर्थीपासून अनंत चतुर्दशीपर्यंत महाराष्ट्रात गणेशोत्सव साजरा होत असतो.

• लोकमान्य बाळ गंगाधर टिळकांनी सार्वजनिक गणेश उत्सवाची सुरुवात १८९४ साली केली. त्यावेळी गणेशाच्या मूर्तीची स्थापना करून अनेक धार्मिक व सामाजिक कार्यक्रम आयोजित केले जात असत.

• आधुनिक महाराष्ट्रात गणेशोत्सवाचे स्वरूप बदललेले आपण पाहतो. सध्या आधुनिकता आणि तंत्रज्ञान यांचा पुरेपूर वापर गणेश उत्सवात केला जातो.

• सार्वजनिक स्तरावर डेकोरेशन, डीजे सिस्टीम, स्पीकर्स, मोठ्या उंचीची गणेश मूर्ती अशा बाबी वापरात आणल्या जातात. गणेश आगमन आणि गणेश विसर्जन अशा वेळी सर्रास मोठ्या गाजावाजात बाप्पाची मिरवणूक काढली जाते.

तुम्हाला गणेश चतुर्थी – मराठी माहिती (Ganesh chaturthi Mahiti Marathi) हा लेख आवडला असल्यास नक्की तुमचा अभिप्राय कमेंट बॉक्समध्ये कळवा…

The post गणेश चतुर्थी – मराठी माहिती | Ganesh Chaturthi Marathi Mahiti | appeared first on Daily Marathi News.

नागपंचमी माहिती मराठी _ Naag Panchami Information In Marathi

• नागपंचमी या सणाला नागाची पूजा केली जाते. हा सण श्रावण महिन्यातील शुध्द पंचमीला साजरा केला जातो.

• नागपंचमी दिवशी शेतात नांगरणे, खणणे, कापणे अशा कोणत्याही प्रकारचे काम केले जात नाही. त्यादिवशी नागदेवतेला ईजा होऊ नये आणि त्याचे पूजन व्हावे असा हेतू त्यामागील आहे.

• कालिया नागाचा पराभव करून भगवान श्रीकृष्ण यमुना नदीतून सुरक्षित वर येतात तो दिवस श्रावण शुध्द पंचमीचा होता. त्यामुळे नागपंचमी हा सण त्या दिवशी साजरा केला जातो अशी मान्यता आहे.

• नागपंचमी सणाला नागाच्या मूर्तीला किंवा खऱ्या नागाला दुधाचा अथवा खिरीचा नैवेद्य दाखवला जातो.

• शेष, वासुकी, कम्बल, धृतराष्ट्र, पद्मनाभ तक्षक, शंखपाल आणि कालिया या आठ प्रकारच्या नागांची या दिवशी पूजा केली जाते. तसेच भविष्योत्तर पुराणात मणिभद्रक, ऐरावत, कार्कोटक आणि धनंजय या इतरही नागांचा उल्लेख करण्यात आलेला आहे.

नागाचे महत्त्व –

• नाग हा वेगवेगळ्या रंगांचा असतो. त्यामध्ये करडा, हिरवा, पिवळा, काळा असेही रंग आढळतात. नागाच्या बचावासाठी प्रकृतीनुसार त्याच्या तोंडात विषाची निर्मिती होत असते.

• नागाचे विष हे मनुष्यासाठी धोकादायक असल्याने नागापासून माणूस विशेष सावधानता बाळगत असतो. ही सावधानता नागपंचमी सणाला देखील दिसून येते. काही ठिकाणी गारुडी नागाला घेऊन येतात तेव्हा अनेक लोक नागापासून दूर – दूर राहून पूजन करतात.

• मनुष्याची ध्यानक्षमता नाग ओळखू शकतो. जो व्यक्ती ध्यान आणि अध्यात्मिक गती प्राप्त करत असतो तेव्हा नाग तेथे उपस्थित होत असतात. म्हणजेच अध्यात्मिक संवेदनशीलता ही नागात नैसर्गिकरीत्या उपलब्ध असल्याने मनुष्याने त्याला पूजनीय मानले.

• तसेच अध्यात्मिक प्रक्रियेत कुंडलिनी ऊर्जा हे नागाचेच प्रतिक मानले गेले आहे. नाग हा कितीतरी अर्थाने मानवाच्या संवेदनशीलतेला जवळीक साधत असल्याने प्राचीन काळापासून मनुष्य त्याची पूजा करत आलेला आहे.

स्त्रियांसाठी नागपंचमी सण _

• नागपंचमी सणाच्या निमित्ताने भाऊ आपल्या विवाहित बहिणीला तिच्या माहेरी घेऊन जात असतो. नागपंचमीला स्त्रिया उपवास पकडतात तसेच हातावर मेंदी देखील काढतात.

• घराची साफसफाई केली जाते. घराच्या अंगणात सुंदर अशी रांगोळी काढली जाते. भिंतीवर तसेच अंगणात नागाची चित्रे काढली जातात. सणावेळी जिवंत नाग, वारूळ अथवा नागाच्या मूर्तीची पूजा केली जाते. नागपंचमी दिवशी पुरणपोळीचे गोड जेवण बनवले जाते.

• सणादिवशी नागदेवतेची पूजा झाल्यानंतर स्त्रिया झाडाला दोर बांधून झोके घेतात. झिम्मा – फुगडी, पिंगा असे खेळ खेळतात तसेच फेर धरून नाचतात. उखाणे, गप्पा, गाणी, नृत्य अशा विविध प्रकारे स्त्रिया या दिवशी व्यक्त होत असतात.

तुम्हाला नागपंचमी – माहिती मराठी (Naag Panchami Mahiti Marathi) हा लेख आवडला असल्यास नक्की तुमचा अभिप्राय कमेंट बॉक्समध्ये कळवा…

The post नागपंचमी – मराठी माहिती • Naag Panchami Mahiti Marathi • appeared first on Daily Marathi News.

रिंकू सिंग _ Rinku Singh Information in Marathi _

रातोरात प्रसिद्ध झालेले अनेक लोक आपण पाहिले आहेत, यात आता आणखी एका नावाची भर पडली आहे ते नाव म्हणजे कोलकाता नाईट रायडर्स संघातील स्टार क्रिकेटर रिंकू सिंग!

आयपीएलच्या गुजरात टायटन्स विरुद्धच्या सामन्यात शेवटच्या 5 चेंडूत सलग 5 षटकार ठोकणारा हा खेळाडू आता चर्चेचा विषय ठरला आहे.

रिंकू सिंगचा जीवन परिचय _

रिंकू सिंग हा भारतातील उत्तरप्रदेश राज्यातील आहे. रिंकू सिंगचे संपूर्ण नाव ठाकूर रिंकू खानचंद्र सिंग असे आहे. त्याचा जन्म 12 ऑक्टोबर 1997 मध्ये अलिगढ, उत्तरप्रदेश मध्ये झाला. त्याच्या आईचे नाव विनादेवी सिंग असून त्या गृहिणी आहेत तर वडिलांचे नाव खानचंद्र सिंग आहे.

रिंकू सिंगला एक भाऊ आणि एक बहिण आहे. एकाचे नाव जितू सिंग असून तो ऑटो रिक्षा चालवायचे काम करत असे तर बहिणीचे नाव नेहा सिंग आहे. रिंकू सिंगने अलिगढ मधूनच शिक्षण घेतले. घरची परिस्थिती बेताची असल्यामुळे तो नववीपर्यंतच शिक्षण घेऊ शकला.

रिंकू सिंगची क्रिकेट कारकीर्द

घरची परिस्थिती नाजूक असताना देखील रिंकू त्याच्या स्वप्नानसोबत बिलगून राहिला आणि क्रिकेट खेळत राहिला. त्याच्या मेहनतीच्या जोरावर 5 मार्च 2014 रोजी उत्तरप्रदेशच्या देशांतर्गत संघाच्यावतीने देशांतर्गत क्रिकेटमध्ये पदार्पण केले.

त्याने पहिल्याच सामन्यात खूप चांगली कामगिरी बजावली. या सामन्यात रिंकुने 84 धावांची खेळी केली. देशांतर्गत संघातून खेळताना रिंकुला उत्तरप्रदेशच्या अंडर 19 आणि अंडर 23 संघातही खेळण्याची संधी मिळाली.

5 नोहेंबर 2016 रोजी रिंकूने रणजी ट्रॉफीचा पहिला सामना खेळला. रणजी ट्रॉफीच्या 2016-2017 च्या हंगामात रिंकू सिंगने 40 सामन्यांमध्ये प्रभावी एकूण 2875 धावा केल्या. दरम्यान रिंकुनेही सर्वाधिक 163 धावा केल्या.

2017 मध्ये आयपीएलमध्ये पदार्पण केल्यानंतर रिंकूचे भाग्य खऱ्या अर्थाने पालटले. KKR ने रिंकुवर बोली लावून त्याला खरेदी केले. त्यानंतर रिंकू खऱ्या अर्थाने गरिबीतून बाहेर आला.

2017 मध्ये पंजाब टीमने दहा लाखांच्या बेस प्राईसवर रिंकूला खरेदी केलं, त्यावर्षी तो एकच मॅच खेळू शकला. 2018 मध्ये कोलकाता नाइट रायडर्सने रिंकू सोबत करार केला.2018 मध्ये KKR ने रींकुला खरेदी केला मात्र तो टीममध्ये आपली जागा नाही बनवू शकला.

2022 च्या आयपीएलमध्ये मात्र रिंकूने उत्कृष्ट कामगिरी केली. त्याने आपली जागा बनवली. काही महत्त्वपूर्ण सामन्यांत उत्तम कामगिरी बजावत त्याने फिनिशर म्हणून आपले स्थान KKR संघात मजबूत केलेले आहे.

गुजरात टायटन्स विरुद्धच्या सामन्यात रिंकूने 5 चेंडूत सलग पाच षटकार खेचत सामना जिंकून दिल्याने त्याचे नाव संपूर्ण क्रिकेट विश्वात प्रसिद्ध झाले.

तुम्हाला रिंकू सिंग विषयी दिलेली मराठी माहिती (Rinku Singh Marathi Mahiti) आवडल्यास नक्की तुमचा अभिप्राय कमेंट बॉक्समध्ये कळवा…

The post रिंकू सिंग _ मराठी माहिती _ व्यक्तिविशेष appeared first on Daily Marathi News.

कोरफड वनस्पती माहिती मराठी • Korfad Vanaspati Marathi Mahiti •

• कोरफड ही सर्वसाधारणपणे एक औषधी वनस्पती आहे. कोरफडीला संस्कृतमध्ये कुमारी तर इंग्रजीत ॲलो (Aloe) असे म्हटले जाते.

• कोरफड ही वनस्पती दक्षिण भारतात रानटी अवस्थेतही आढळते. वेस्ट इंडीज देशात कोरफडीचे प्रमाण अत्यधिक आहे.

• कोरफड वनस्पती म्हणजे मजबूत पानांचा गुच्छ असतो. ते पान म्हणजे एक जाड, मांसल काटेरी दात असलेला भाग असतो. ते पान टोकदार असते. त्याचा रंग हिरवा असतो. कोरफडीचे खोड आखूड असून तिची मुळे खूप खोलवर रुजलेली नसतात.

• ऑगस्ट ते डिसेंबर या महिन्यांत पानांवर पिवळसर केशरी रंगाच्या फुलांचा फुलोरा येतो. फुलांचे बोंडे हे अनेकबीजी असतात.

• ॲलो कुळातील कोरफड ही एक प्रजात आहे. कोरफडीचा रस आरोग्यदायी असतो. कोरफडीच्या रसामध्ये व्हिटॅमिन ए, बी, सी, फाॅलिक ॲसिड ई. घटक असतात आणि  झिंक, लोह, कॅल्शियम, मॅग्नेशियम, पोटॅशियम आणि सेलेनियम यांसारखी खनिजे असतात.

• कोरफडीचा समावेश रोजच्या आहारात झाल्यास शरीराला पोषक घटक मिळतात. त्यामुळे दररोजच्या आहारात कोरफडीच्या रस घेतला जावा असा सल्ला वैद्य देतात.

• कोरफडीमध्ये ॲलोईन, बार्बलाई, शर्करा, एन्झाईम व इतर औषधी रसायने असतात. ते सर्व घटक शारिरीक स्वास्थ्य अबाधित राखण्यासाठी मदत करतात. ‘कुमारी आसव’ नामक औषध देखील कोरफडीपासून बनवले जाते.

• कोरफडीचा रस हा भूक वाढवतो. त्याची पाने ही रेचक, कृमिनाशक आहेत. तसेच ती पाने कडवट असतात आणि ती पाने थंडावा देखील प्रदान करतात.

• मानवी डोळे, यकृत, श्वासनलीका इत्यादी अवयवांच्या विकारांवर कोरफड उपयुक्त आहे. त्वचेच्या समस्या, भाजलेला भाग, हिमदाह इत्यादींसाठी कोरफडीचा गर वापरला जातो.

• चेहर्‍याच्या समस्या, सौदर्यप्रसाधनांत तसेच केसांच्या आरोग्यावर उपाय म्हणून कोरफड वापरली जाते.

तुम्हाला कोरफड – मराठी माहिती (Korfad Marathi Mahiti) हा लेख आवडला असल्यास नक्की तुमचा अभिप्राय कमेंट बॉक्समध्ये कळवा…

The post कोरफड – मराठी माहिती • Korfad Marathi Mahiti • appeared first on Daily Marathi News.

जागतिक परिचारिका दिन _ World Nurses Day

• परिचारिका ( नर्स ) ही व्यक्ती आपल्या अगदी ओळखीची असते. आपण जेव्हा वैद्यकीय मदत घेत असतो तेव्हा त्याठिकाणी आपल्याला रुग्णसेवा करत असलेल्या परिचारिका दिसतात.

• परिचारिका म्हणून काम करणारी स्त्री ही ममता भाव ठेवून रुग्णांची सेवा करत असते. हे काम अत्यंत समाजोपयोगी असल्याने त्याचा सन्मान म्हणून जागतिक स्तरावर परिचारिका दिन साजरा केला जातो.

• १२ मे हा दिवस जागतिक परिचारिका दिन म्हणून साजरा केला जातो. १८५४ साली झालेल्या क्रिमियन युद्धातील जखमी सैनिकांना मलमपट्टी करणारी परिचारिका फ्लॉरेन्स नाइटिंगेल यांचा हा जन्मदिवस आहे.

• जेथे जेथे परिचारिका काम करत असतात तेथे तेथे हा दिन अगदी सहजपणे साजरा केला जातो. परिचारिकेला योग्य तो सन्मान देऊन त्यांना भेटवस्तू दिल्या जातात. शिवाय सांस्कृतिक कलेचा आविष्कार देखील काही ठिकाणी दाखवला जातो. सोशल मीडियाचा वापर करून सर्वत्र या दिनाच्या शुभेच्छा देखील दिल्या जातात.

• 2019 मध्ये आलेल्या कोरोनाच्या साथीत असंख्य लोकांनी आपले प्राण गमावले परंतु त्याहीपेक्षा कित्येक पटीने लोकांचे प्राण देखील वाचवले गेले. तेव्हा काम करणारे वैद्य आणि त्यांच्यासोबत असणाऱ्या परिचारिका यांचे महत्त्व हे विषद करणे अशक्य आहे.

• सध्या परिचारिका म्हणून अनेक स्त्रिया आपले काम निवडत आहेत. परिचारिका म्हणून काम करून त्या रुग्णसेवा करत आहेत. त्यांचा योग्य तो सन्मान होणे अत्यंत गरजेचे आहे आणि जागतिक परिचारिका दिन हा अगदी उत्साहात साजरा होणे आवश्यक आहे.

• समाजातील प्रत्येक घटक हा परिचारिका दिनाशी जोडला जाणे आवश्यक आहे तेव्हाच सर्वांना परिचारिकेची सेवा व महत्त्व समजण्यात मदत होईल.

तुम्हाला जागतिक परिचारिका दिन (International Nurses Day) हा लेख आवडला असल्यास नक्की तुमचा अभिप्राय कमेंट बॉक्समध्ये कळवा …

The post जागतिक परिचारिका दिन मराठी माहिती • World Nurses Day appeared first on Daily Marathi News.

तुळस माहिती मराठी _ Basil Information in Marathi

• तुळस वनस्पतीचे शास्त्रीय नाव ऑसिमम सॅंक्टम (Ocimum sanctum) आहे तर इंग्रजी भाषेत तुळशीला बेसिल (Basil) असे संबोधतात. तुळस ही पुदिन्याच्या कुळातील एक सुगंधी वनस्पती आहे.

• तुळशीची रोपे आशिया, आफ्रिका व युरोप या खंडांमध्ये आढळतात. तुळशीची उंची साधारणतः ३० ते १२० सेमी एवढी असते.

• तुळशीची पाने लंबगोलाकार व टोकदार असतात. तुळशीची पाने खोकला आणि घशाच्या आजारांवर अत्यंत गुणकारी असतात.

• तुळशीच्या फुलाला मंजिरी म्हणतात. फुलांमध्येच तुळशीच्या बिया आढळतात. त्यापासून संगुधी तेल देखील बनवले जाते.

• तुळस वनस्पतीपासून जास्तीत जास्त ऑक्सिजन सोडला जातो. त्यामुळे भारतात तरी प्रत्येक घरासमोर तुळस असणे हे अत्यंत पवित्र आणि मांगल्याचे समजले जाते.

• भारतीय स्त्रिया देवदेवतांचे पूजन करून झाल्यावर तुळशीची सुद्धा पूजा करतात. सण समारंभ असल्यास पहाटे पहाटे तुळशीला पवित्र पाणी वाहिले जाते.

• तुळशीची माळ परिधान करणे, तुळशीचे लग्न लावणे, तुळशीचा काढा पिणे, व्यक्तीच्या मृतदेहावर तुलसीपत्र ठेवणे अशा विविध प्रथा तुळशी संबंधी प्रसिध्द आहेत. तसेच सकाळी व सायंकाळी तुळशीपुढे धूप – अगरबत्ती व दिवाही लावला जातो.

• तुळस ही थोडी कडवट चवीची असते. शारिरीक रोगराई व विविध प्रकारच्या कीटकांच्या प्रादुर्भावामध्ये तुळशीची पाने उपयोगी ठरतात.

तुळशीचे प्रकार –

विविध प्रदेशांतील तुळशीच्या जातींवरून तुळशीचे प्रकार पडलेले आहेत. औषधी तुळस, कापूर तुळस, लवंग तुळस, काळी तुळस, कृष्ण तुळस, रान तुळस असे तुळशीचे प्रकार प्रामुख्याने सांगता येतील.


तुम्हाला तुळस – मराठी माहिती (Tulas Marathi Mahiti) हा लेख आवडला असल्यास नक्की तुमचा अभिप्राय कमेंट बॉक्समध्ये कळवा…

The post तुळस _ मराठी माहिती • Tulas Mahiti Marathi • appeared first on Daily Marathi News.

काय घडले गुडफ्रायडे या दिवशी?

भगवान येशुंनी ज्या दिवशी मरण स्वीकारले म्हणजेच ज्या दिवशी त्यांना सुळावर चढवून मृत्यु देण्यात आला, तो दिवस शुक्रवार होता. त्याला गुड फ्रायडे असे संबोधले जाते कारण तो जरी आपल्याला हिंसात्मक दिवस वाटत असला तरी त्यामुळे प्रेम आणि शांतीचा संदेश संपूर्ण जगभरात पसरला गेलेला आहे.

प्रभू येशू ख्रिस्त यांना ज्यावेळी वधस्तंभावर खिळवण्यात आले त्यावेळी देखील त्यांच्या चेहऱ्यावर शांती झकळत होती. कोणत्याही प्रकारची वेदना आणि कष्ट त्यांच्या देहबोलीवरून जाणवत नव्हती. त्यांनी मृत्युला कवटाळत स्वतःच्या मारेकऱ्यांसाठी देखील “ईश्वरा यांना माफ कर, त्यांना माहीत नाही की ते काय करत आहेत” अशी प्रार्थना केली.

मरणयातना भोगत असतानाही त्यांनी मारेकऱ्यांसाठी प्रार्थना केली असल्याने ते ईश्वराचे पुत्र होते हे स्पष्ट होते. या घटनेनंतर मानवी इतिहासात येशू ख्रिस्त हे अत्यंत सकारात्मक प्रभाव सोडू शकले.

प्रभू येशू ख्रिस्त यांचा मृत्यू हा प्रेमपूर्ण आणि सकारात्मक भावनेने विश्वभरात ओळखला जावा यासाठी शुक्रवार या दिनाला “गुड फ्रायडे” किंवा “होली डे” असे संबोधले जाते.

काही ठिकाणी या दिनाला “ब्लॅक डे” असे देखील संबोधले जाते. येशू ख्रिस्त हे दैवी पुरुष असतानाही त्यांना वेदनादायक मृत्यु देण्यात आला. त्यामुळे बहुतांश लोक या दिवसाला “ब्लॅक डे” म्हणजे “काळा दिवस” मानतात.

गुडफ्रायडे या दिवशी प्रभू येशू ख्रिस्त यांनी दिलेली शिकवण वाचली जाते. बायबलमधील वचने समजून घेण्याचा आणि अंगिकारण्याचा प्रयत्न केला जातो. चर्चमध्ये जाऊन मनोभावे प्रार्थना केली जाते. अशाप्रकारे गुड फ्रायडे हा दिवस अत्यंत शुभ भावनेने साजरा केला जातो.

The post गुडफ्रायडे – नक्की काय घडले या दिवशी? appeared first on Daily Marathi News.

• महाराष्ट्रातील कोकण विभाग आणि दक्षिणेतील केरळ हे राज्य नारळ वनांसाठी प्रसिद्ध आहेत. नारळाच्या पानांचा वापर झाडू (खराटा) बनवण्यासाठी होतो.

• नारळपाणी हे आपल्या आरोग्यासाठी अत्यंत फायदेशीर ठरते. ते पाणी आजारपणात ग्रहण केले जाते. ओला नारळ विकण्यासाठी ठेवलेला आपण अनेकवेळा आपल्या बाजारात पाहत असतो.

• कोकण आणि भारतातील समुद्रकिनारी नारळाचे झाड व नारळ हे प्रमुख आकर्षणाचा मुद्दा असतो. तेथील नारळबागा आणि त्यामुळे लाभलेले निसर्गसौंदर्य हे अगदी विलक्षण असते.

• नारळातील खोबरे हे आपण आहारातील कालवणात बारीक किस करून वापरतो आणि काहीवेळा पदार्थ म्हणून देखील खातो. घरातील चटणी (लाल तिखट) बनवण्यासाठी देखील खोबरे वापरले जाते.

• खोबरेल तेल हे पूर्वीपासून आजपर्यंत केसांसाठी वापरले जात आहे. वेगवेगळे तेलाचे ब्रॅण्ड हे फक्त नारळावर प्रसिद्ध झालेत. तसेच खोबरेल तेल अंगाची मालिश करतानाही उपयोगात आणतात.

• नारळ सुकल्यावर आपण वरील साल (केसर) काढतो आणि त्याचा उपयोग जळणात आणि भांडी घासताना होत असतो.

• नारळाचे मजबूत कवच हे शोभेच्या वस्तू बनवण्यासाठी वापरतात.

• अशा प्रकारे एक नारळाचे झाड हे अनेक प्रकारे मनुष्य जीवनात आधार बनत असल्याने त्याला कल्पवृक्ष असेही संबोधले जाते.

तुम्हाला नारळाच्या झाडाचे महत्त्व हा लेख आवडला असल्यास नक्की तुमचा अभिप्राय कमेंट बॉक्समध्ये कळवा…

The post नारळाच्या झाडाचे महत्त्व _ appeared first on Daily Marathi News.

माझा आवडता खेळ लंगडी मराठी निबंध | Majha Avadta Khel Langadi Nibandh Marathi |

पूर्वीपासून भारतात अनेक खेळ प्रसिध्द आहेत. कोणत्याही संसाधनांचा वापर न करता खेळले जाणारे विविध खेळ आजही या भूमीत खेळले जातात. लंगडी हा देखील त्यापैकीच एक खेळ! ग्रामीण भागात खेळला जाणारा हा खेळ आता स्पर्धेच्या नियमावलीत बसवून प्रत्येक शाळा व महाविद्यालयात खेळला जात आहे.

लंगडी या शब्दाचा जसा अर्थ आहे त्याप्रमाणेच आपल्याला एक पाय गुडघ्यात वाकवून एकाच पायावर पळावे लागते आणि प्रतिस्पर्धी संघातील खेळाडूंना पकडावे लागते. या खेळात कमालीची गति, चपळता आणि प्रसंगावधान आवश्यक असल्याने लंगडी हा माझा आवडता खेळ आहे.

पूर्वी फक्त मुलीच हा खेळ खेळत असत. परंतु शिक्षण व खेळाचा जसजसा प्रसार होत गेला तसतसा या खेळाचा समावेश स्पर्धेत करण्यात आला. सध्या शालेय आणि महाविद्यालयीन स्तरावर खो-खो, कबड्डी या खेळांप्रमाणेच लंगडीचा देखील समावेश केला जातो.

लंगडी या सांघिक खेळासाठी एका चौरसाकृती मैदानाची गरज असते. साधारणपणे नऊ वर्षांच्या खालील मुलांसाठी ९.१५ चौमी, ११ वर्षांखालील मुलांसाठी १०.६७ चौमी व १३ वर्षांखालील मुलांसाठी १२.१९ चौमी अशी मैदानाची मापे असतात.

लंगडी खेळात एक धावणारा व दुसरा लंगडी घालून पकडणारा असे दोन संघ असतात. त्यासाठी लंगडी व पळती असे दोन शब्द आहेत. लंगडी हा खेळ एकूण २० मिनिटांचा असतो. पहिली दहा मिनिटे एक संघ लंगडी घालतो तर दुसरा संघ तेव्हा धावत असतो.

खेळाच्या एका डावानंतर चार मिनिटांची विश्रांती असते. त्यानंतर दुसरा संघ लंगडी घालतो व पहिला संघ धावत असतो. प्रत्येक संघात ९ खेळाडूंचा समावेश असतो. या खेळात लंगडी घालून प्रतिस्पर्धी संघातील खेळाडूंना स्पर्श करायचा असतो.

एकेका खेळाडूने मैदानात लंगडी घालत प्रवेश करून धावणाऱ्या दुसऱ्या संघातील खेळाडूंना बाद करायचे असते. जो संघ विशिष्ट कालावधीत सर्वाधिक खेळाडू बाद करेल तो विजेता ठरत असतो. लंगडी घालणाऱ्या खेळाडूने प्रतिस्पर्धी खेळाडूंना हाताने स्पर्श करणे बंधनकारक असते.

वीस मिनिटांत प्रत्येक खेळाडूला आव्हानात्मक भूमिका स्वीकारायची असल्याने हा खेळ खूपच रंगतदार बनत असतो. हा खेळ खेळताना शारिरीक क्षमतेचा कस लागत असल्याने प्रत्येक खेळाडूचे शारिरीक व मानसिक आरोग्य सुधारते. लंगडी हा खेळ माझा आवडता खेळ असल्याने मी दररोज शाळेत तो खेळ खेळतोच.

तुम्हाला माझा आवडता खेळ – लंगडी हा मराठी निबंध (Majha Avadta Khel Langadi Nibandh Marathi) आवडला असल्यास नक्की तुमचा अभिप्राय कमेंट बॉक्समध्ये कळवा… धन्यवाद!

The post लंगडी – मराठी निबंध • Langdi Nibandh Marathi • appeared first on Daily Marathi News.