मकर संक्रांती माहिती Archives - Daily Marathi News https://dailymarathinews.com Wed, 10 Jan 2024 04:19:34 +0000 en-US hourly 1 https://wordpress.org/?v=6.1.6 https://i0.wp.com/dailymarathinews.com/wp-content/uploads/2020/11/cropped-Screenshot_20201026-143025-1.jpg?fit=32%2C32&ssl=1 मकर संक्रांती माहिती Archives - Daily Marathi News https://dailymarathinews.com 32 32 197191671 फक्त संक्रांतीलाच गोड बोलावं का? https://dailymarathinews.com/just-sankranti-laach-god-bolavam-ka/ https://dailymarathinews.com/just-sankranti-laach-god-bolavam-ka/#respond Wed, 10 Jan 2024 04:18:48 +0000 https://dailymarathinews.com/?p=6192 या मकर संक्रांतीला सर्वांना वास्तविक आनंदाची दिशा सापडावी. स्वकर्माने जीवनात समाधान निर्माण व्हावे.

The post फक्त संक्रांतीलाच गोड बोलावं का? appeared first on Daily Marathi News.

]]> ‘तिळगुळ घ्या गोड बोला’ हे वाक्य सर्वजण पाठ करून आहेत. मकर संक्रांतीला तिळगुळ वाटताना बोलले जाणारे हे वाक्य फक्त त्या दिवशीच सार्थकता निर्माण करते का? या प्रश्नाचे उत्तर शोधण्याचा प्रयत्न प्रस्तुत लेखातून केला जाणार आहे.

माणूस हा आपल्या स्वभावाप्रमाणे जगत असतो. परंतु बाहेरील परिस्थितीत त्याचे वागणे बदलत असते. प्रत्येक वेळी एकाच प्रकारची वागणूक राखणे शक्य होत नसते. आपण इतरही लोकांच्या संपर्कात येत असल्याने आपली वागणूक बदलत असते.

आपला स्वभाव मात्र निश्चित राहत असतो. आपण आतून कसे आहोत हे त्यामार्फत कळत असते. आपण आनंदी राहावे असे प्रत्येकाला वाटते परंतु आनंदाच्या संकल्पना प्रत्येकाच्या वेगवेगळ्या असल्याने आनंद मिळेलच याची मात्र निश्चित ग्वाही देता येत नाही.

खऱ्या आनंदाचे आणि उत्साहाचे मानकरी व्यक्ती नेहमीच गोड भासतात. तर आनंदाच्या खोट्या संकल्पना मनात ठेऊन आणि अहंकाराला दुजोरा देणाऱ्या व्यक्ती या आपल्याला कटू स्वभावाच्या भासत राहतात.

मनात प्रेम आणि आनंद असेल तर गोडवा जाणवतोच. याउलट मनात घृणा, ईर्ष्या असेल तर मात्र स्वभावात कटुता जाणवते शिवाय अशा व्यक्तींचा गोडवा हा फक्त अभिनय मात्र असतो. अशा खोट्या जगण्याचा त्रास हा त्यांचा त्यांनाच होत असतो.

सुख, समाधान, आनंद अशा गोष्टी बाहेरील जगात न शोधता अंतरंगात शोधाव्या लागतात. त्या एकदा सापडल्या की आपण खऱ्या अर्थाने गोड स्वरुपात व्यक्त होत असतो. त्यामध्ये अभिनय नसतो. आतून कटुता आणि बाहेरून गोडवा अशा वागणुकीने आपण जीवन चालवत नसतो.

या संक्रांतीला किंवा प्रत्येक सणाला, एवढेच नाही तर प्रत्येक दिवशी आपण दुहेरी भूमिकेतून सामोरे न जाता एका समग्रतेने, उत्साहाने सहभागी होणे गरजेचे आहे. तरच आपण दररोज स्वभावात गोडवा निर्माण करून आपले जीवन आनंदी बनवू शकू.

या मकर संक्रांतीला सर्वांना वास्तविक आनंदाची दिशा सापडावी. स्वकर्माने जीवनात समाधान निर्माण व्हावे. परिणाम स्वरूप म्हणून नेहमीच गोडवा निर्मित व्हावा. तो आतून बाहेरून अभिव्यक्त व्हावा. फक्त संक्रांतीलाच नाही तर वर्षातील प्रत्येक दिवशी, प्रत्येक क्षणी तो झळकावा.

The post फक्त संक्रांतीलाच गोड बोलावं का? appeared first on Daily Marathi News.

]]> https://dailymarathinews.com/just-sankranti-laach-god-bolavam-ka/feed/ 0 6192 मकर संक्रांत सण – थोडक्यात माहिती • Makar Sankrant Mahiti Marathi https://dailymarathinews.com/makar-sankranti-festival-in-brief-makar-sankrant-mahiti-marathi/ https://dailymarathinews.com/makar-sankranti-festival-in-brief-makar-sankrant-mahiti-marathi/#respond Sun, 15 Jan 2023 04:05:11 +0000 https://dailymarathinews.com/?p=5371 प्रत्येक वर्षी मकर संक्रांत हा सण १४ किंवा १५ जानेवारी या दिवशी असतो. मकर संक्रांत हा सण भारतात विविध पद्धतीने साजरा केला जातो

The post मकर संक्रांत सण – थोडक्यात माहिती • Makar Sankrant Mahiti Marathi appeared first on Daily Marathi News.

]]> प्रस्तुत लेख हा मकर संक्रांत या सणाविषयी मराठी माहिती (Makar Sankrant Information in Marathi) देणारा लेख आहे. या लेखात मकर संक्रांत सण कसा साजरा केला जातो व कोणकोणते विधी पार पाडले जातात याविषयी माहिती दिलेली आहे.

मकर संक्रांत – मराठी माहिती | Makar Sankrant Mahiti Marathi |

सांस्कृतिक, कृषी व भौगोलिक महत्त्व असणारा मकर संक्रांत हा सण पौष महिन्यात असतो. उत्तरायणाला सुरुवात झाल्यानंतर सुरुवातीच्या काही दिवसांत म्हणजे जानेवारी महिन्यात मकर संक्रांत हा सण येत असतो. या दिवशी सूर्य हा पूर्णपणे मकर राशीत प्रवेश करत असतो.

प्रत्येक वर्षी मकर संक्रांत हा सण १४ किंवा १५ जानेवारी या दिवशी असतो. मकर संक्रांत हा सण भारतात विविध पद्धतीने साजरा केला जातो. भारतात कृषी संस्कृती असल्याने शेती विषयक बाबी आणि विविध प्रथांचा समावेश या सणात केला जातो.

संक्रांतीच्या दिवसात उगवलेल्या धान्याचे वाण स्त्रिया एकमेकींना देतात. ववसा देणे, ओटी भरणे, आणि हळदी – कुंकू लावणे असे विविध कार्यक्रम या सणात आयोजित केले जातात. संकांतीला थंड वातावरण असल्याने शारिरीक ऊर्जा प्रदान करणारे सर्व प्रकारचे पदार्थ या सणाला ग्रहण केले जातात.

महाराष्ट्रात मकर संक्रांत हा सण भोगी, संक्रांत आणि किंक्रांत अशा तीन दिवशी साजरा होतो. पहिला दिवस भोगी म्हणून साजरा केला जातो. सर्व प्रकारचे राजसी भोग या दिवशी घेतले जातात. हरभरा, बोरे, गव्हाच्या ओंब्या असे पदार्थ देवापुढे नैवेद्य म्हणून अर्पण करून सर्व देवतांना पुजले जाते.

थंडीच्या दिवसांत आपल्या शारिरीक ऊर्जेचा स्तर कमी होत असतो. त्यामुळे सर्व प्रकारच्या शेंगभाज्या व फळभाज्या यांची मिळून मिश्र भाजी ही बाजरीच्या भाकरी सोबत खाल्ली जाते. तिळ व गुळ एकत्र करून लाडू व चिक्की बनवली जाते.

मकर संक्रांत सणाला पाच छोटी मडकी पूजण्याची प्रथा देखील पार पाडली जाते. भोगी दिवशी बनवलेला नैवेद्य हा मडक्यांमध्ये ठेवला जातो. तो नैवद्य आणि तिळगुळ एकमेकांना वाटून सर्वत्र स्नेह व गोडवा पसरवला जातो. तिळगुळ वाटताना “तिळगुळ घ्या गोड बोला” असे आवर्जुन बोलले जाते.

तुम्हाला मकर संक्रांत थोडक्यात माहिती (Makar Sankrant Mahiti Marathi) हा लेख आवडला असल्यास नक्की तुमचा अभिप्राय कमेंट बॉक्समध्ये कळवा…

The post मकर संक्रांत सण – थोडक्यात माहिती • Makar Sankrant Mahiti Marathi appeared first on Daily Marathi News.

]]> https://dailymarathinews.com/makar-sankranti-festival-in-brief-makar-sankrant-mahiti-marathi/feed/ 0 5371