सुविचार संग्रह (विषय – आनंद) | Happiness Quotes in Marathi |

१. सुख आणि आनंद या वेगवेगळ्या गोष्टी आहेत. सुख हे क्षणिक असते आणि त्यानंतर दुःखही प्राप्त होते. आनंदाने आनंद वाढतच जातो.

२. आनंद हा मानवी स्वभाव आहे. बाकी सर्व बाबी जशा की भावना, मानसिकता, बुद्धीचातुर्य या बदलत जातात किंवा विकसित होत राहतात.

३. आनंद ही प्रत्येक व्यक्तीची तहान आहे. आनंदी राहिल्यावर आपण ईश्वर स्वरूप बनत असतो. त्यामुळेच प्रत्येकजण कोणत्या ना कोणत्या प्रकारे आनंद शोधण्याचा प्रयत्न करतच असतो.

४. काहीतरी केल्यावर आनंद मिळेल ही संकल्पनाच चुकीची आहे. आनंदी राहिल्यावर काहीही करा तुम्हाला खरे यश प्राप्त होईल.

५. आनंदाची अनुभूती ही मानवी जीवनातील सर्वोच्च अनुभूती आहे. आपण संवेदनशील बनत गेल्यास आपल्या आनंदात वृद्धी होत असते.

६. शरीर, मन आणि चेतना अशा विविध स्तरांवर आनंदाची अनुभूती वेगवेगळी असते. आपण कोणत्या स्तरावर जगतो त्यावर आपल्या आनंदाची परिभाषा निर्मित होत असते.

७. काल्पनिक आयुष्यात आनंद हा भविष्यात असतो तर वास्तविक आयुष्यात आनंद हा वर्तमानात मिळतो.

८. स्वतः आनंदी राहणे आणि आनंदाचा प्रसार करणे यातच खरे शाश्वत सुख सामावलेले आहे.

९. जीवन कोणत्याही प्रकारे मृत्यूला सामोरे जाणारच आहे. तुम्ही आनंदी जगा किंवा दुःखी, निवड तुमचीच असते.

१०. शारिरीक, मानसिक आरोग्य सुधारत नेल्यास आपल्याला आनंदी जीवनाची प्रचिती येत असते.


तुम्हाला मराठी सुविचार (आनंद) हा लेख आवडला असल्यास नक्की तुमचा अभिप्राय कमेंट बॉक्समध्ये कळवा…

The post मराठी सुविचार _ आनंद _ अप्रतिम १० सुविचार appeared first on Daily Marathi News.

आनंदी विचाराने दिवसाची सुरुवात झाली तर संपूर्ण दिवस आनंदी बनू शकतो यावर विश्वास ठेवायला हवा. या लेखात दिलेले आनंदी मराठी सुविचार (Happiness Quotes In Marathi) तुमच्या जीवनात नक्कीच हास्य, उत्साह आणि प्रसन्नता निर्माण करतील.

मराठी सुविचार – आनंद | Happiness Marathi Suvichar |

आयुष्याची वाटचाल करताना नेहमी आनंदाची सोबत असू द्या! परिस्थिती तुमच्या अनुकूल असेलच असे नाही पण आनंदी स्वभावाने तुम्ही परिस्थितीला अनुकूल बनवू शकता.

आनंद हा मानवी स्वभाव आहे. प्रेम आणि स्वातंत्र्य अनुभवायचे असेल तर आनंदी राहण्याची सवय लावून घ्या.

क्षणांचा प्रवास वेगवेगळ्या जाणिवेतून पुढे सरकत असतो. आनंदाचे क्षण की उदासीचे क्षण याची निवड मात्र तुम्हाला करावी लागेल.

कोणत्याही नात्यातील प्राधान्यता जर आनंद असेल तर नाते फुलायला वेळ लागत नाही.

उत्सव आणि उत्साहाला कारणाची गरज नसतेच मुळी! आपण आनंदी असलो की प्रत्येक क्षण आणि प्रत्येक दिवस हा उत्सवच असतो.

जीवन जगण्याचे दोन मार्ग आहेत. आनंद आणि प्रेम! प्रेमाची अनुभूती ही आनंद देऊन जाते तर आनंदाची अनुभूती ही प्रेम निर्माण करत असते.

स्नेहाची भावना ही आनंदी स्वभावाचा परिणाम आहे. प्रत्येक क्षण जिवंत आणि आनंदाने जगायचा असं ठरवल्यास सर्वांप्रती स्नेह आपोआप जागृत होतो.

आनंदी असल्याची पहिली खूण म्हणजे हास्य! दिवसभर हास्य न मावळणे हीच खरी जीवनाची उन्नती आहे.

वर्तमान क्षण हा नित्य नूतन आहे. त्याची प्रचिती आनंदी राहिल्यावर येऊ शकते. आनंदी राहण्याने आपोआपच आपण वर्तमान क्षणात जगू लागतो.

भिती, क्रोध आणि चिंता निर्माण होण्याचे कारण म्हणजे आनंदी नसणे! एक दिवस स्वतःहून आनंदी राहण्यासाठी प्रयत्न करा. सर्व नकारात्मक भावना तुम्हाला स्पर्श देखील करणार नाहीत.

भविष्यातील सुखांची जाणीव आत्ताच होत आहे असे फक्त वाटते पण तसे घडत नसते. प्रत्येक क्षण जिवंत आणि आनंदी जगणे हेच आपण करू शकतो.

शारीरिक कष्ट, व्यायाम आणि खेळातून उत्साह निर्माण होतो आणि आपण आनंदाची अनुभूती घेऊ शकतो.

स्वतःची योग्यता ही नेहमीच कोणत्याही गोष्टीच्या प्राप्तीसाठी तपासली पाहिजे. स्वावलंबी आणि अपेक्षेविन जगत असलेले जीवन हे आनंद प्राप्तीसाठी योग्य आहे.

मराठी सुविचार – आनंद (Happiness Quotes In Marathi) तुम्हाला जर आवडले असतील तर नक्की त्यावर विचार करून जीवनात अमुलाग्र बदल घडवण्याचा प्रयत्न करा. काही सूचना असतील तर नक्की कमेंट बॉक्समध्ये कळवा…

The post मराठी सुविचार – आनंद | Happiness Quotes In Marathi | appeared first on Daily Marathi News.