पाकिस्तानचे माजी अध्यक्ष जनरल परवेझ मुशर्रफ यांच्या नातेवाईकाच्या मेहंदी सोहळ्यात मीका सिंगने गाणे गायल्याचे पाकिस्तानी माध्यमांनी वृत्त दिले होते. मीकाची कामगिरी पाहण्यासाठी भारताचा मोस्ट वॉन्टेड अंडरवर्ल्ड डॉन दाऊद इब्राहिम यांचे कुटुंबही उपस्थित असल्याचे वृत्त आहे. या सगळ्याखेरीज मीका सिंगवरही नवीन संकट आले आहे.

पाकिस्तानमधील परफॉर्मन्समुळे अखिल भारतीय सिने कामगार संघटनेने (एआयसीडब्ल्यूए) मीका सिंगवर बंदी घातली आहे. अखिल भारतीय सिने कामगार संघटनेचे अध्यक्ष सुरेश श्यामलाल गुप्ता यांनी याबाबत अधिकृत निवेदन देऊन याबाबत माहिती दिली आहे. असोसिएशनचे अध्यक्ष सुरेश श्यामलाल गुप्ता म्हणाले की, “मीकाच्या चित्रपटाचे प्रॉडक्शन हाऊस, म्युझिक कंपनी आणि ऑनलाइन कंटेंट प्रोव्हायडर यांच्याबरोबर त्यांच्या सर्व करारावर बहिष्कार टाकण्याचा निर्णय घेण्यात आला आहे. या व्यतिरिक्त असोसिएशननेदेखील मीकाचे सर्व चित्रपट, गाणी आणि करमणूक कंपनीबरोबर काम करण्यास बंदी घालण्याचा निर्णय घेतला आहे.

सुरेश श्यामलाल गुप्ता म्हणाले की, मीका सिंग समवेत चित्रपट उद्योगातील कोणीही काम करणार नाही याची काळजी अखिल भारतीय सिने कामगार संघटना (एआयसीडब्ल्यूए) घेईल. जर कोणी असे केले तर त्याच्याविरूद्ध कायदेशीर कारवाई केली जाईल आणि त्याला न्यायालयात हजर व्हावे लागेल. ते म्हणाले, ‘जेव्हा दोन देशांमधील तणाव चरम सीमेवर होता, त्यावेळी मीका ने देशाच्या अभिमानापेक्षा पैशांना जास्त महत्त्व दिले.

8 ऑगस्ट रोजी कराची येथे एक कार्यक्रम आयोजित करण्यात आला होता, ज्यामध्ये मीकासिंगही उपस्थित होता. पाकिस्तानी पत्रकाराने सांगितले की, वरिष्ठ अधिकारी, सैन्य आणि पोलिस अधिकारी आणि क्रिकेटर जावेद मियांदाद यांच्याशिवाय स्टार क्रिकेटपटूंच्या कुटुंबियांनाही या कार्यक्रमासाठी आमंत्रित करण्यात आले होते.

पाकिस्तान सरकारने कोणत्याही भारतीय कलाकार किंवा चित्रपट व्यक्तिमत्त्वाच्या अभिनयावर बंदी घातली आहे. या कार्यक्रमात कामगिरी केल्यानंतर मीका सिंग च्या संकटात वाढच झाली.

ही सहा नावे आहेत टीम इंडियाच्या प्रशिक्षक पदाच्या शर्यतीत…

The post मीका सिंगवर बंदी, पाकिस्तानमध्ये जाऊन गायले गाणे… appeared first on Daily Marathi News.